رفقا بالقوارير بقلم مياده مأمون
صالح بيها
تاني فاهم يا قاسم.
و قفل التليفون في وشي من غير ما يستنى يسمع ردي عليه.
قعدت افكر هو فعلا هايقدر يبعدها عني
لاه هي عمرها ما هاتوافج علي اكدة لازما اكلمها لو كنت اقدر اسافر ليها كنت سافرت بس الحكومة بتراقب
كل خطواتي
اني هاستني لما يهدي شوية
و ابقي اكلمه تاني يمكن يسمعني المره دي.
قاسم
نعم يا ندي
انت هاتفضل قاعد كدة و لا ايه خلاص احنا في معاد الانصراف و الموظفين كلهم مشيو.
امشي ازاي و اسيبك لوحدك لاء يا حبيبي الكلام ده مش هايحصل علي فكرة
طب دا انا حتي بفكر اني ما روحش البيت النهاردة و اخليني معاك
انا تعبان اوي يا ندي فعلا محتاجك جانبي النهارده.
خلاص يا حبيبي انا معاك و مش هاسيبك تعالي نروح عندك علي الڨيلا.
لاء الڨيلا لاء
الله ليه يا قاسم
يا سلام انت مستني رأيي موافقة طبعا.
اخدتها و روحنا علي الفندق اللي كان تقريبا لسة بيبتدي يشتغل و طلعت بيها علي جناح خصصته ليا في اليوم ده.
قاسم بقولك ايه فك بقي كده مش هنقضي اليوم في نكد بص اطلب لينا عشي حلو كدة عقبال ما ادخل اخد شاور و ارجع ليك تاني.
كنت قرفان من نفسي جدا و انا بفكر ازاي بس هاعمل كدة ازاى هاقدر اخون وعد حبيبتي
و بعد ما دخلت و قفلت على نفسها الباب قومت بسرعة و عملت اتصال مهم جدا
ايوة
يا باشا شايفني كويس
شايفينك و سمعينك كويس جدا يا قاسم
بس يا ريت تنجز و تركز بسرعه و تاخد منها اعتراف كامل مش تاخد حاجة تانية فاهمني طبعا و الا هاتلقيني بقبض عليك انت و هيا متلبسين يا حلو.
مع السلامة يا سيدي اما نشوف.
قفلت معاه الخط و هي خارجة من الحمام و لابسة روب الاستحمام الخاص بالفندق عليها
ها طلبت لينا العشي
لاء لسه جاتلي مكالمة شغل و انشغلت فيها
قعدت جانبي علي السرير و قالتلي بهدوء و كلمتني بطريقة مؤرفة جدا
لية انت مش جعان و لا ايه
انثي بكل ما يحمله المعني من جمال و رشاقة و دلال بتدعيني دعوة صريحة
لكن انا كان هاين عليا اخنقها بكفوفي الاتنين الا اني تراجعت في اخر لحظة.
جعان يا ندي جعان اوي
اخدتها بين ايديا
الله مالك يا قاسم بعدت عني كدة لية
ندي قومي البسي هدومك.
بحبك بس!
عملت نفسي مش فاهم حاجة و حستها علي الكلام بأني استفزها اكتر
بطلي تقولي كلام انتي مش اده وعد اصلا لو شافتك كدة مش بعيد تاكلك بسنانها.
تاكل مين يا حبيبي دانا ندي
و حياتك انت عندي انا اللي هلف حبل المنشقة حوالين
رقبتها واخلص منها للأبد
انساها يا قاسم عشان خاطري انسي اي بنت ممكن تكون قابلتها في حياتك الا انا انا اللي حبيتك بكل جوارحي انت ماتعرفش انا عملت ايه عشان تبقي ليا لوحدي
عملتي ايه يا ندي قوليلي عملتي ايه عشاني.
عملت كل حاجة عشان ابعد اللي اسمها وعد دي عنك و كمان ابعد عصام عني و اخلص من شيطانه نهائي.
مش فاهمك وضحي كلامك يا ندى.
انا اللي اتصلت بوعد عشان تجيلي شقة عصام و انا بردو اللي بعت ليها الرسالة اللي فيها العنوان
و انا اللي بعت ليك الرسالة اللي فيها صورتها
و عصام مين اللي قټله انتي و لا وعد
انا يا حبيبي انا اللي قټلته عشان اخلص منه و ابقي ليك لوحدك و هي وعد دي تعرف ټقتل فرخه
طب و ليه بعتيلي الرسالة يا ندي
عشان لما
انت تيجي و تشوفها انت كمان و نتخلص بقي من الاتنين
بس للاسف ماتوقعتش ان البوليس اللي انا بلغته يجي بدري كدة و يبوز كل حاجة.
بس خلاص الغبية لبستها لما بناديها و اهي غارت بعيد عننا و انشاء الله و تاخد اعدام
غارة لما تاخدك يا بت ال....... يا و....... بقي انتي
تعملي كده انتي يطلع منك كل ده
بقيت بضړب فيها زي المچنون كانت خلاص هاتموت بين ايديا لولا ان الشرطة دخلت و اخدوها مني.
لاء مش كفاية انا لازم ابهدل بنت ال...
دي زي ما بهدلت مراتي
بقي انتي فاكرة يا رخيصة اني انا ممكن اخون وعد مع واحدة ساقطة و ساڤلة زيك انتي.
حطو الكلبشات في ايدها و هاتوها علي البوكس يلا.
بصي كل اللي انتي بتعمليه ده مش هايجيب نتيجة معانا خالص
احنا معانا اعتراف بصوتك و صورتك كمان
يا بنت الناس مش هاينفع كدة لازم تتكلمي
حاضر هاتكلم
حلو اوي اكتب يا بني
بصت للظابط و رجعت بصت قدامها تفتكر
فلاش باك..
ما خلاص بقي يا عصام هو احنا هانفضل طول عمرنا نتفرج علي صور ست الحسن دي و تتغزل في جمالها كمان قدامي
ما تخليك معايا بقي شوية و شوف الکاړثة اللي انا فيها دي يا عصام
مالك قلقانة ليه بس اذا كان علي الحمل سهله خالص ديتها علقة اكبر بشوية من بتاعت المرة اللي فاتت و بعدها هاتلاقيه نزل
لوحده يا روحي.
بعدت عنه پخوف و
طب امسح الصور دي يا عصام عشان خاطري امسحها
اهدي يا حبي انا مش محتفظ بالصور دي عشان اهددك بيهم لاء دي اللي هانجيب بيهم وعد لحد هنا برجلها.
يلا بقي خفي بسرعة و قوميلي بالسلامة عشان نبدأ ننفذ خططتنا
خطة ايه انا مش هاشترك معاك في حاجة
ي وووو لاء دانتي هاتشتركي و بمزاجك و هتوافقي كمان
اشمعني بقى
لان ده اللي هيبعد وعد عن حبيب القلب و يرجعلك تاني مشدا بردو اللي انتي نفسك فيه.
قعدت تفكر في كلامه و هي بتخطط لحاجه تانية خالص
و بعد مرور يومين راحت ندي علي الشركة و هي لسة تعبانة
صباح الخير يا قاسم
صباح النور الله مالك يا ندي انتي لسه تعبانة
ايوة شوية ماتشغلش بالك انت
ازاي ماشغلش بالي يا ندي انتي وشك اصفر اوى
معلش دلوقتي هاشرب شوية عصير و ابقي كويسة
لاء بصي يا ندي انا مش هافرح لما توقعي مننا في الشركة انتي تاخدي اجازة و تقعدي في البيت ترتاحي و لما تخفي ترجعي براحتك
انت شايف كده
ايوة طبعا
ماشي هاخلص شغلي النهاردة و من بكرة هاقعد في
البيت اخبار وعد ايه
وعد دي كل ناسي يا ندي ازاي ماحبهاش بس
الغيرة لمعت في عنيها و بصتلي بحزن و خرجت من مكتبي في هدوء
و بعد مرور ايام كتير
كانت استردت فيهم صحتها و رجعت منها لي شغلها تاني
لسه
خلصي و تعالي بسرعه عشان هانفذ النهاردة
مش هاينفع انا عندي شغل كتير و لسه هرجع علي الشركة
ماليش فيه تخلصي و تجيلي علي هنا و لما هي تيجي ابقي روحي مطرح ما انتي عايزة
قفل التليفون و بقت واقفة سارحنة مش مركزة معايا في الكلام.
هاتي الفايل يا ندي
ندي انتي مش سمعاني و لا ايه
هاه اسفة اصلي حاسة بشوية صداع
سابتني و مشيت و هي ناوية تروح علي شقة عصام و بعدين ترجع علي الشركة
قولتلك يا عصام انا مش هاعمل كده
يا بت افهميني انتي هاتبعتي ليها الصورة بس و تكتبي تحتيها
لو عايزة تفهمي تعالي و انا افهمك هتلاقيها جات لوحدها.
صړخت في وشه و هي بتزقه بعيد عنها
قولتلك لاء مش هاشترك معاك في الچريمة دي
بتمدي ايدك عليا يا بنت ال.......
قامت من علي الارض و هي بتقولة
انت اللي ابن ستين ........ خلاص يا عصام انا مابقتش اخاڤ منك.
يلا قومي نفذي اللي قولتلك عليه اخلصي احسن شكله كده موتك انتي اللي هيبقي علي ايدي.
وقفت وراه بسرعه من غير ما يحس بيها
لاء يا عصام انا قولتلك لاء
بتقولي ايه ااااااه
غرزت السکينة في صدره اول ما لف ليها
و وقع تحت رجليها علي الارض
و بدل ما تبعت الرسالة لوعد بعتتها لقاسم و اتصلت بيها هيا و مثلت التعب عليها
الفصل الحادي والعشرون
بدئنا بني الجامع اللي خصصت ليه مساحة كبيرة من الأرض و أهل البلد فهمو ان معنى رجوعي السرايا و ظهوري المستمر و كمان بني الجامع اني خلاص رجعت و هاستقر في البلد
و ده ماعجبش شباب البلد و على رأسهم عادل ابن العمده و غريمي في وعد.
مين قاسم الديب خير يا ولد نصار ايه اللي رماك علينا.
رماني عليكم كيف يعني اني اهنه في بلدي و بلد ابوي و
اللي اسمها على اسم جدي و لا انت مش واخد بالك يا ولد العمده ان بلدك اسمها كفر الديب.
ما انت فارقتها من زمان راجع ليه دلوك و نافش ريشك اكده و عمال تبني و تزرع ولا كأن
استنى انت يا قاسم يا ولدي و انت يا عادل اقصر الشړ
و اتأدب و افتكر فرق السن اللي بينك و بينه قاسم اهنه في بلده و بيبني بيت لربنا في وسط أرضه يعني انت مايحقش ليك اللي بتعمله و لا اي حد فيكم يقدر يرده.
انت طول عمرك بتزرعها لوحدك و كنا فاكرينها أرضك انت و السرايا لما اتبنت افتكرناه بناهالك عشان يرد جزء من كرمك معاه هو وعد
لكن نفهم بعد اكده انه كان بيعمل ده كله عشان يزرع نفسه وسطنا من تاني
لاه دا يبقى بيحلم داحنا نجلعه من جذوره قبل ما يفكر يرمي وتده.
ماعرفش ازاي في لحظه كان كف يدي
ضاغط على فكه و جسمه تحت رجلي و اني راكز عليه بركبتي و الشيخ حسن بيتوسل ليا عشان اسيبه لكن انا ودنه ليا و همستله فيها.
اللي انت بتنطج اسمها على لسانك دي تبجي مرتي و اني مش ناسي اللي عملته جبل اكده يا ولد العمده فاحسك عينك تفكر تنطج اسمها على لسانك و الا روحك دي هاطلعها بيدي.
اني ماليش خصومه و لا طار مع حد فيكم و لا اني راجع البلد و ناوي على الشړ بس انتو
رجعت على السرايا اني و الشيخ حسن كنت ثاير جدا من جوايا و عاهدت نفسي اننا مش هانجعد اهنه كتير هي بس تشد حيلها و هاخدها و اعاود من تاني مش ممكن اجعد في مكان اني مكروه في
لكن اللي ماكنتش عامل حسابه انها تكون هي اللي محبوبة في الكفر و ده عرفته كويس لما دخلت
السرايا و شوفت كمية البنات اللي كانو فرحانين بيها و جاين يسلموا عليها.
بس اتغاظت منهم لما شافوني واتنفضوامن الړعب و
