مأساة حوريه 14

بس انت عارف اني بحبك
كملت بتردد صالح حورية ياطارق 
نفخ بضيق وقبل مايتكلم قالت بسرعة دي اختك علشان خاطري صالحها هي ملهاش غيركم انتو اهلها ليه قاسيين معاها كده علشان خاطري روحلها وراضيها
طارق اروحلها ايه اكيد لا
عاليا امال هتصالحها ازاي
طارق بضيقه بقي اكلمها علي التليفون مرضية كده 
عاليا طب كلمها الاول 
بصلها طارق پغضب
عاليا علشان خاطري كلمها دلوقتي 
اتنهد بنفاذ صبر ومسك موبايله وطلب حورية 
عند حورية اول مالقت رقم اخوها استغربت جدا لانها مابتحصلش اصلا وحد من اخواتها يتصل بيها
فضلت ماسكة الموبايل وهي شاردة وبعدين ردت عليه 
وقبل ماهو يتكلم قالت هي اكيد اتصلت بالغلط 
كملت بسخرية ماهو اكيد مش بتتصل تتطمن عليا يعني
طارق بهدوء مصطنع ازيك ياحورية
حورية يبقي مغلتطش بس غريبة 
طارق غريبة اني بتصل اتطمن علي اختي
ضحكت حورية بقوة وبعدين قالت اختك لا اكيد في حاجة غلط وانت من امتي بتعتبرني اختك دا انا استغربت لما لقيتك بتتصل 
كملت بحزن والم لان عمرك مابتتصل تتطمن عليا
لا انت ولا اخوك التاني ولا حتي امي
طارق عارف اني قاسې معاكي حقك عليا
حورية من نفسك 
طارق مش فاهم
حورية يعني بتكلمي دلوقتي من نفسك ولا عاليا اللي ضغطت عليك تكلمني اكيد عاليا السبب اصل مش معقول ضميرك صحي فجأة من ناحيتي وافتكرت فجأة اني اختك
كملت بسخرية انت اتصلت دلوقتي علشان تنول الرضا بس وانا هعتبر نفسي انك متكلمتش اصلا علشان ما تنزلش من نظري اكتر من كده
طارق پغضب انتي بنت ماتربتيش ازاي تتكلمي معايا كده نسيتي اني اخوكي الكبير
لترد عليه حورية بسخرية وتقول اخويا الكبير طب والله كويس انك عارف انك الكبير 
كملت پألم وحزن طب ياخويا ياكبير ليه طردت اختك الصغيرة من بيت ابوها ليه خلتها ترجع في نصاص الليالي ل جوزها اللي ضربها واهانها ليه ما اخدتليش حقي منو ليه 
كملت بدموع ليه يا اخويا ياسندي ليه ليه بدل ما توقفله وتاخدلي حقي منو خلتني ارجعله مکسورة ومذلولة زي الكلبة علشان يذل ويهين فيا اكتر هو واهله انا هفضل طول عمري اكرهكم ياطارق مش عايزة افتكركم حتي لاني كل ماهفتكركم هحسبن عليكم 
وقفلت 
طارق بص ل عاليا پغضب وقال بنت ال دي اللي عاوزاني اصالحها دي متربتش 
عاليا هي لسه واخدة علي خاطرها منك وبعدين انت لازم تروحلها وتصالحها وتحسسها انك اخوها بجد سندها لازم تروحلها بيتها ياطارق علشان تسامحك 
طارق برفض انتي بتقولي ايه استحالة اروحلها دي بت قليلة الادب وكمان انا مش هدخل للزفت جوزها ده بيت 
عاليا لسه هتتكلم
قاطعها بحدة خلص الكلام متتكلمش في الموضوع ده تاني سامعة
تاني يوم
في شقة امجد ورشا 
امجد خرج من الاوضة بعد ماجهز لانه راجع الغردقة 
كانت رشا قاعدة علي الكنبة في الرسيبشن بصمت 
والولاد قصادها علي الارض بيعلبو بالالعاب

بتاعتهم
امجد حط فلوس كتير علي
الترابيزة وقال لو