حوريه الجزء الجديد

قعدت قدامها وقالت احسن دلوقتي 
بصت حورية ليها وهزت راسها بهدوء بعدين اتنهدت و قالت انا بفكر اشتغل يابيري
بيري صح كده انا كنت هقترح عليكي الاقتراح ده 
كملت وقالت مش هتقوليلي بردو كان مالك امبارح وكنتي مڼهارة ليه كده طمنيني عليكي يا حبيبتي 
مسكت ايدها وقالت ايه اللي حصل خلاكي كده  
حورية بدموع اللي حصل ميتحكيش 
بيري متقلقنيش عليكي فضفضيلي ياحورية يمكن ترتاحي انتي من وقت ماجيتي وانتي حزينة و مش عاوزة تتكلمي ايه مبقتيش عاوزة تترمي في حضڼي وتحكيلي زي زمان
حورية بدموع محمد 
بيري متفجأتش لانها عارفة اصلا وعارفة ان حورية عارفة وساكته فقالت طب ماانتي عارفة ياحورية من زمان وانتي بتسكتي  
ابتسمت پقهر وقالت انتي متخيلة 
بيري پصدمة ينهااار اسود هو في كده 
حورية تخيلي بقا في كده  
بيري بس انتي عرفتي ازاي
بيري طب وانتي هتعملي ايه انتي لازم تطلقي فورا
حورية مسحت دموعها و قد استعادت قوتها قالت اكيد هتطلق انا مش هعيش مع واحد زي ده  
كملت بغل بس لازم اخد حقي الاول واندمه 
بقلم فريدة احمد 
عند محمد اللي كان في مكان شغله واللي هو معرض كبير للاخشاب 
كان متعصب جدا وعمال بيزعق في العمال من غير سبب 
كريم دخل وهو بيقول في ايه مالك
محمد پغضب كنت فين انت كمان
كريم كنت بتفق مع المعلم عاطف علي الطلبية
محمد طب شوف شغلك ااخلص
ودخل مكتبه وهو بيحاول يتصل علي حورية اللي كانت مش بترد وده اللي كان معصبه
عند حورية 
بعد مابيري قامت عملت اتنين نسكافيه رجعت ليها تاني ومعاها تليفون حورية اللي لاقيته بيرن وهي معدية بالصدفة من قدام الاوضة 
بيري حطت النسكافية علي الترابيزة وادت الفون لحورية وهي بتقولها تليفونك مش مبطل رن 
خدته حورية منها بس كانت المكالمة فصلت مفيش ثواني ولاقيته بيرن تاني 
بقلم فريدة احمد 
ردت عليه وقبل ماتتكلم لاقيته بيزعق وبيقول لما بتصل علي اهلك مبترديش ليه يااابت 
حورية بهدوء مسمعتش الفون
محمد پغضب انتي ايه اللي مقعدك عندك لحد دلوقتي مرجعتيش ليه 
حورية ماانا قيلالك هفضل يومين عند بيري
محمد ترجعي البيت النهاردة سامعة
حورية لسه هتتكلم 
قالها سمعتي ساعة وهتصل بيكي الاقيكي في البيت
حورية بهدوء حاضر
وقفلت
بيري في ايه
حورية وهي بتقوم لازم ارجع 
ودخلت لبست وجهزت 
خرجت سلمت علي شيري اللي قالتلها هتعملي ايه ناوية علي ايه ياحورية
حورية بصت قدامها بشرود وقالت هاخد حقي زي ماقولتلك
رجعت بصت ليها وكانت بيري بتبصلها بقلق فقالت متقلقيش ومټخافيش عليا لاني مش هكون ضعيفة تاني الزمن اللي احنا في ده الضعيف فيه بيداس بالجزم وانا مش هسمح اني اتداس تاني يابيري كفاية بقا لازم اخد حقي من كل اللي جم عليا وظلموني
بقلم فريدة احمد 
بعد وقت كانت رجعت البيت دخلت ولسه هتطلع شقتها وقفها صوت قدرية اللي قالت واخيرا شرفتي 
لفت ليها وقالت ببرود في حاجة ياطنط
بصتلها قدرية
بسخرية وقالت لا اصلك وحشتينا