روايه اوتار القلوب بقلم فاطمه الالفي

وجلبت لها لبس لترتدية كان عبارة عن برمودا زيتى وبدى نصف كم اونج وتوجهت إلى المرحاض أخذت حمام دافئ وغيرت ملابسها وخرجت من المرحاض ..
كان يراقب حركاتها من بعيد ومعجب بشياكتها وزؤقها فى اختيار الالون وجدها ترتدى أسدال الصلاة اعلى ملابسها وبحث ف أنحاء الغرفة عن سجادة الصلاة فلم تجدها 
غصون. مافيش سجادة صلى توحد ربنا ايوةةة انا فى بيت ابولهب ولا اية هههه 
حاول كتم ضحكتة واستمتع بمراقابتها وجد انها فتاة مرحة وكلامها رقيق وهادئ ونبرة صوتها حنينة والغريب مظهرها ولبسها لا يدل على انها من الصعيد ....
فاق من شرودة على صوت غلق الباب. 
وسيم .راحت فين المچنونة دى نظر إلى الساعة وجدها 5 صباحا 
ارتدى تيشرت ونزل خلفها يبحث عنها فمازال والدتة واختة نائمين ماذا تفعل فى هذا الوقت ....
بعد أن اتمت فريضة الفجر نزلت بالاسدال إلى مكان المطبخ لانها احست بالجوع فهى لم تذق الطعام منذ ثلاث أيام...
دخلت المطبخ وفتحت الثلاجة وجدت بها جبن عملت لنفسها سندوتش وجلست على السفرة الصغيرة داخل المطبخ وشردت فى بيت اخواتها وتجهيز الطعام وايقاظ اخيها عاصم وأحمد والمشاكسة مع احمد والخۏف من عاصم وفرت الدموع من عينها على الحنين إلى اخويها الحبيبان نور عيناها..
كان يقف خلفها واحس بشرودها 
غصون. دلوقتى مين هيحضر الفطار وينضف البيت ويجهز الغدا وياخد التعلمات من ابية عاصم والهزار مع حمودى ومين هيستناكم لم ترجعو من المستشفى ويحضرلكم الاكل ياترى دلوقتى بتعملو اية اةةة وحشتونى اوى 
ومسحت دموعها ووضعت الاكل من غير ان تاكل منة مافيش لقمة بتتبلع من غيركم وقامت لتخرج من المطبخ اصطدمت به وأطلقت صړخة مڤزوعة 
وسيم. اشششش اهدى اية شوفتى عفريت 
غصون تنظر إلى العينان الزرقاء پصدمة 
وسيم بابتسامة. انتى نمتى ولا اية عجبك الوضع دة ههه 
فاقت غصون وجدت نفسها فى حضنة فرجعت إلى الخلف 
وسيم احس بخۏفها. بتعملى اية دلوقتى 
غصون تهز راسها 
وسيم. اتكلمى ولا القطة كلت لسانك 
غصون بزعل. انت قولت قبل كدة ماتفتحيش بوقك وتتكلمى عشان مش ناقص قرف ولم سكت تقول القطة كلت لسانك طب انا اعمل اية دلوقتى 
وسيم بابتسامة. لم اسئالك تردى وتبطلى لماضة مفهوم 
غصون لنفسة .كل حاجة مفهوم مفهوم كانة بيتكلم مع حد من غير دماغ يفهم 
وسيم.
مش بحب اقرر كلامى كتير 
غصون. فى المطبخ كنت عايزة اكل بس خلاص مافيش نفس 
وسيم. لية 
غصون. اهو بقى نفسى اتسدت 
وسيم. طب اعملى نسكافية بلاك وتعالى نتكلم شويا فى الهول 
غصون. حاضر 
خرج ينتظرها بالهول 
وغصون أحضرت له النسكافية وقدمتة آلية 
غصون. اتفضل 
وسيم. ماعملتيش لنفسك حاجة لية 
غصون. مابحبش اشرب حاجة دلوقتى 
وسيم. طب اقعدى 
جلست غصون بتوتر وقلق 
معقول عايز يتكلم معايا أيها المغرور الوسيم الهمجى...
وسيم. انتى كنتى عايشة فين 
غصون. مع اخواتى 
وسيم. فى الصعيد ولا فين بالظبط 
غصون. فى اسكندرية 
وسيم. هههههههه بجد اسكندرية هههههه 
غصون. هو انا قولت نكتة 
وسيم. لا بس كنت فاكرك من الصعيد وبتتكلمى صعيدى زى جدى وعمى 
غصون لنفسها .مافكرتش تسأل جدى علية حتى فعلا مغرور 
غصون. هى طنط ويمن بيتاخرو فى النوم 
وسيم. امم لسة على 9 كدة هيصحو 
غصون. طيب ممكن طلب 
وسيم باستغراب .اية خير 
غصون. ممكن اروح مع ابية عاصم وأحمد هيجو يفرشو الشقة
عاوزة اكون معاهم ممكن 
وسيم. اوكية 
غصون. شكرا هطلع انام بقى 
.........
وسيم بشرود .بعد ماطيرتى النوم من عينى تروحى تنامى كنت لسة عاوز اعرف عنك درستى ولا اية بس اكيد درست ياترى اية هو انا لية انشغلت بيها يمكن صعبت عليا لم عيطت وكمان كنت غلطان فى فكرتى انها صعيدية وحكمت عليها من غير
مااسمع صوتها دة صوتها لوحدة کاړثة هههه 
....................
صعدت إلى غرفة وتحدثت مع اخيها عاصم لتيقظة 
فرح عاصم بمكالمتها واتفقت معاة ان ياتى لياخذها معة إلى الشقة ...
أيقظ عاصم احمد من نومة ليسافرو القاهرة ويبدو تجهيز الشقة ....
بعد أن أغلقت الهاتف مع اخيها خلعت الاسدال ونامت ....
بعد أن شرب النسكافية صعد إلى غرفتة وجدها نائمة ..
فأول مرة يرى شعرها الاسود الناعم الطويل وبشرتها القمحية ..
وسيم لنفسة .شكلك كيوت اوى وانتى نايمة وبشرتها زى لون بشرتى هههه 
يظهر ان مالك عندة حق مع العشرة والوقت هحبها لا لا تلاقى اعجاب ولاعشان بنت عمى وبس انا مهتم بيها لا لازم ارجع عاملة جد طبعا عشان ماتاخدش علية اة فخرج من الغرفة وذهب إلى غرفة مكتبة ليسترخى على الكنبة التى بالغرفة ...
استيقظت كاملة ونزلت إلى الأسفل ودخلت تحضر الإفطار وبعد الانتهاء ايقظت ابنتها يمن وذهبت إلى غرفة ابنها دقت الباب 
كاملة .وسيم اصحى وهات مراتك وانزلو عشان الفطار جاهز...
ونزلت مرة أخرى إلى مكان السفرة 
.........
استيقظت على طرق الباب واغتسلت وجهها ونزلت إلى الأسفل لتساعدها فى إعداد الطعام 
غصون .صباح الخير يا طنط 
كاملة .صباح الفل ياحبيتى 
يمن. صباح الخير يا جماعة .اية الجمال والحلاوة دى 
غصون. شكرا 
خرج وسيم من غرفة المكتب وتوجة إليهم 
وسيم. صباح الخير يا ماما 
يمن .ماما بس واحنا اية هوا 
وسيم بابتسامة. مراتى صبحت عليها قبل كدة وانتى بقى هوا الصراحة ههههه 
يمن .ماشى مخصماك 
كاملة. بطلى مشاكسة فى اخوكى وافطرو 
غصون. تسلم ايدك ياطنط 
كاملة .بالهنا على قلبك ياحببتى 
يمن تغمز لاخيها.
غصون. انا هعمل الشاى 
كاملة .انتى عروسة يمن تقوم تعمل 
غصون .هههه لا انا عايزة اعملة 
يمن .سكرنا مظبوط اية مظبوط ههههه 
وسيم. انا طالع اغير 
كاملة .لية هتنزل بدرى تروح فين 
وسيم. شغل يا ماما عن اذنكم 
يمن .اية رايك فى غصون مزة صح 
وسيم. ماما ياريت تقصى لسان يمن شويا 
...........
أحضرت الشاى وتحدثت مع اخيها وعلمت انها بالقاهرة ويريد العنوان 
غصون. هدى الموبيل ليمن تقولك العنوان 
يمن .الو 
عاصم. ازيك عاملة اية 
يمن .الحمد لله العنوان فى مدينة نصر عمارة 8 الدور الثاني 
عاصم .على فكرة سيفى رقمى كلمتك كتير امبارح بس ماردتيش 
يمن بكسوف .اسفة ماكنتش اعرف ان رقمك انا مابحبش ارد على أرقام غريبة 
عاصم .انا قولت كدة بردو 
عايزة حاجة 
يمن .سلامتك 
واغلقت الهاتف وهى تبتسم فاول مرة تسمع صوتة 
.............
ارتدى بدلة كحلى واخذ هاتفة ومفاتيح السيارة وخرج ....
وسيم. ماما انا خارج وعاصم هيعدى ياخد غصون عشان تشوف الشقة معاهم 
كاملة .طيب ياحبيبى بس رايح فين بالشياكة دى 
وسيم بابتسامة. شغل يا ماما سلام 
كاملة .فى رعاية الله يابنى ..
حضر عاصم إلى شقة وسيم ورن الجرس 
وفتحت له يمن 
يمن بكسوف. عاصم اتفضل 
عاصم .ازيك يايمن 
كاملة .ادخل ياحبيبى واقف على الباب لية 
عاصم. ازى حضرتك امال فين غصون 
يمن .بتغير هدومها 
سمعت صوت اخيها الحبيب وقزفت السلالم بسرعة وارتمت فى حضنة الحبيب الامن بالنسبة لها 
احتضنها بحنان الابوة وقبل جبينها 
عاصم بابتسامة. عاملة اية ياحبيبتى 
غصون. الحمدلله انت واحشتنى جدا فين احمد 
عاصم. احمد حصلنى على الشقة ها جاهزة 
غصون. أيوة طبعا 
عاصم .توامرى باى حاجة يا مرات عمى 
كاملة .تسلم يابنى 
عاصم. سلام عليكم 
......
الفصل السابع
بعد ان اصطحب عاصم اختة إلى شقتهم الجديدة ..
ركن عاصم سيارتة امام العمارة ومسك يد اختة وتوجهو إلى داخل العمارة ..
عاصم .واخدين شقتين جنب بعض عشان احمد يتجوز فيها 
غصون بفرحة .بجد ياابية 
عاصم .تعالى بقى شوفى الشقة 
دخلت غصون واستقبلها احمد 
احمد. وحشتينى ياغصنى لا عارف اكل ولا اشرب من غيرك 
غصون. عشان تعرف قيمتى هههه 
عاصم .تعالى شوفى دى هتكون اوضتك لونها بينك وجبتلك حاجاتك فى اسكندرية 
غصون. اخيها .ربنا يخليك يا حبيبى يعنى هعيش معاكم هنا 
احمد .ههههه دى ماصدقت لا عيب انتى مش هتسيبى بيت جوزك